ශාන්ත තෝමස් විද්‍යාලය පරදවමින් මස්ටෑන්ග් කුසලානය රාජකීයයන් දිනා ගනී

COLOMBO (News 1st) - ගල්කිස්ස ශාන්ත තෝමස් විද්‍යාලය පරදවා 44 වන මස්ටෑන්ග් කුසලානය හිමි කර ගැනීමට කොළඹ රාජකීය විද්‍යාලය අද සමත් විය. රාජකීයයන් එම තරගය ජය ගත්තේ එක් කඩුල්ලකිනි. තරගය කොළඹ එස්.එස්.සී. පිටියේදී පැවැත්විණි. පළමුවෙන් පන්දුවට පහර දුන් ශාන්ත තෝමස් කණ්ඩායම පන්දුවාර 50 අවසානයේ කඩුලු 6ක් දැවී ලකුණු 255ක් රැස් කළේ ය. උමයංග සුවාරිස් ලකුණු 81යි. ලකුණු 256ක ඉලක්කයක් කරා හඹා ගිය රාජකීය විද්‍යාල කණ්ඩායම පන්දුවාර 48ක් අවසානයේ කඩුලු 9ක් දැවී ජය වාර්තා කළේ ය. කමිල් මිෂාර ලකුණු 68යි. මේ අතර කොළඹ රාජකීය සහ ගල්කිස්ස ශාන්ත තෝමස් විද්‍යාලාන්තර මයිකල් ගුණරත්න කුසලානය වෙනුවෙන් වාර්ෂිකව පැවැත්වෙන රග්බි තරගයේ ජය හිමි කර ගැනීමට ද රාජකීය විදුහල් ක්‍රීඩකයින් පසුගියදා සමත් විය. මෙවර රාජකීයයන් ජය ගත්තේ, ශාන්ත තෝමස් විදුහල ලකුණු 17ට 10ක් ලෙස පරදවමිනි.