මත්ද්‍රව්‍ය ළඟ තබා ගත් නවසීලන්ත ජාතිකයෙකු අත්අඩංගුවට

COLOMBO (News 1st) - මත්ද්‍රව්‍ය ළඟ තබා ගැනීම සම්බන්ධයෙන් නවසීලන්ත ජාතිකයෙකු ගාල්ල, වලහංදුව ප්‍රදේශයේදී සංවිධානාත්මක අපරාධ නිවාරණ ඒකකය සහ පොලිස් විශේෂ කාර්ය බලකාය විසින් අත්අඩංගුවට ගෙන තිබේ. පොලීසිය සඳහන් කළේ, ගල්ල අධිකරණයෙන් ලබා ගත් සෝදිසි වරෙන්තුවක් අනුව සැකකරු පදිංචිව සිටි නිවස පරීක්ෂා කිරීමේදී ඔහු අත්අඩංගුවට ගෙන ඇති බව ය. එහිදී සැකකරුගේ නිවසේ තිබූ ගංජා පැළ කිහිපයක් සහ උපකරණ කිහිපයක් පොලීසිය භාරයට ගෙන තිබේ. සැකකරු වැඩිදුර විමර්ශන සඳහා අක්මීමන පොලීසියට භාර දී ඇති අතර ඔහු අද ගාල්ල මහේස්ත්‍රාත් අධිකරණයට ඉදිරිපත් කිරීමට නියමිත ය.