ரஷ்ய சுற்றுலா பயணிகளை ஏற்றிச்சென்ற பஸ் விபத்து

Colombo (News 1st) தெற்கு அதிவேக வீதியின் அபரெக்க - பெலியத்த இடையில் இன்று(17) அதிகாலை இடம்பெற்ற வாகன விபத்தில் ஒருவர் உயிரிழந்துள்ளதுடன் 15 பேர் காயமடைந்துள்ளனர்.

ரஷ்ய சுற்றுலாப் பயணிகளை ஏற்றிச்சென்ற பஸ் சீமெந்து லொறியுடன் மோதியதில் இந்த விபத்து நேர்ந்துள்ளதாக பொலிஸார் தெரிவித்தனர்.

சுற்றுலாப் பயணிகளை ஏற்றிச்சென்ற பஸ்ஸின் சாரதியே விபத்தில் உயிரிழந்துள்ளார்.

காயமடைந்த 15 ரஷ்ய சுற்றுலாப் பயணிகளும் வைத்தியசாலையில் அனுமதிக்கப்பட்டுள்ளனர்.