முன்னக்கரை களப்பில் காணாமல் போன மகளின் சடலம் மீட்பு

Colombo (News 1st) நீர்கொழும்பு, முன்னக்கரை களப்பில் படகு கவிழ்ந்து விபத்திற்குள்ளானதில் காணாமல் போன மகளின் சடலம் மீட்கப்பட்டுள்ளது.

சம்பவத்தில் காணாமல் போன தந்தையின் சடலம் இதுவரை கண்டுபிடிக்கப்படவில்லை என பொலிஸார் தெரிவித்தனர்.

நீர்கொழும்பு, முன்னக்கரை களப்பில் நேற்று(24) படகு கவிழ்ந்து விபத்திற்குள்ளானதில் 50 வயதான தந்தை மற்றும் 20 வயதான மகள் ஆகியோரே இவ்வாறு காணாமல் போயிருந்தனர்.

அவர்கள் பயணித்த படகு மற்றுமொரு படகுடன் மோதியதில் இந்த விபத்து இடம்பெற்றுள்ளது.

படகு கவிழ்ந்த சந்தர்ப்பத்தில் 07 பேர் பயணித்துள்ளதுடன், அவர்களில் ஐவர் காப்பாற்றப்பட்டுள்ளதாக பொலிஸார் குறிப்பிட்டனர்.