26ஆவது அகவையில் தடம்பதிக்கும் சக்தி FM

Colombo (News 1st) நேயர்களின் நாடித் துடிப்பறிந்து முதற்தர நிகழ்ச்சிகளை படைத்துவரும் சக்தி FM தனது 26ஆவது பிறந்தநாளை இன்று(20) கொண்டாடுகின்றது.

1998 ஆம் ஆண்டு நவம்பர் மாதம் 20ஆம் திகதி வானொலி புரட்சியின் புதியதோர் அத்தியாயமாக சக்தி FM உதயமானது.

அன்று முதல் இன்று வரை தனக்கேயுரிய தனியான பாணியில் மாற்றங்களுக்கேற்ப நிகழ்ச்சிகளை வழங்குவதில் தமிழ் பேசும் மக்களின் சக்தியாக சக்தி FM வலம்வருகின்றது.

வானொலி நிகழ்ச்சிகளுக்கு மேலதிகமாக மக்கள் சேவையின் ஊடாகவும் நேயர்களின் இதயங்களில் சக்தி FM தனியிடத்தை தக்கவைத்துள்ளது.

சக்தி வானொலியின் 26ஆவது அகவை பூர்த்தியை முன்னிட்டு விசேட நிகழ்வுகளும் ஏற்பாடு செய்யப்பட்டுள்ளன.

இலத்திரனியல் ஊடகத்துறையின் வானலைப் புரட்சியாய் இன்னும் பல புதுமைகள் படைத்து மக்கள் சேவையைத் தங்குதடையின்றி தொடர சக்தி FM-இற்கு நியூஸ்ஃபெஸ்ட்டின் ஆத்மார்த்தமான பிறந்தநாள் வாழ்த்துகள்...