வெளிநாட்டில் தயாரிக்கப்பட்ட மைக்ரோ ரக கைத்துப்பாக்கியுடன் சந்தேகநபர் கைது

Colombo (News 1st) வெளிநாட்டில் தயாரிக்கப்பட்ட மைக்ரோ ரக கைத்துப்பாக்கியுடன் சந்தேகநபர் கைது செய்யப்பட்டுள்ளார்.

பொலிஸ் விசேட அதிரடிப் படையினர் இங்கினியாகல பொலிஸ் பிரிவிற்கு உட்பட்ட பகுதியில் மேற்கொண்ட சுற்றிவளைப்பின் போதே குறித்த சந்தேகநபர் கைது செய்யப்பட்டுள்ளதுடன் சந்தேகநபரிடம் இருந்து வெளிநாட்டில் தயாரிக்கப்பட்ட மைக்ரோ ரக கைத்துப்பாக்கி, கைத்துப்பாக்கிக்கு பயன்படுத்தப்படும் 181 தோட்டாக்களும் பொலிஸ் விசேட அதிரடிப் படையினரால் கைப்பற்றப்பட்டுள்ளன.  

2020ஆம் ஆண்டு ஜூன் மாதம் முதல் இதுவரையான காலப்பகுதிக்குள், பொலிஸ் விசேட அதிரடிப் படையினரால் வெளிநாடுகளில் தயாரிக்கப்பட்ட 77 கைத்துப்பாக்கிகள் கைப்பற்றப்பட்டுள்ளதாக பொலிஸார் தெரிவித்துள்ளனர்.