கிணற்றினுள் தவறிவீழ்ந்த 9 வயது சிறுவன்

Colombo (News 1st) வவுனியா, மாமடு - கள்ளிகுளம் பகுதியில் பாதுகாப்பற்ற கிணற்றினுள் வீழ்ந்து 09 வயது சிறுவன் உயிரிழந்துள்ளார்.

வவுனியா கள்ளிகுளம் பகுதியில் தனது வீட்டு வளாகத்தில் இருந்த பாதுகாப்பற்ற கிணற்றில் வீழ்ந்து கனகரத்தினம் டிலக்சன் என்ற சிறுவனே உயிரிழந்துள்ளார்.

நேற்று(16) சிறுவன் கிணற்றில் நீர் எடுக்க முயன்ற சந்தர்ப்பத்தில் வாளி கிணற்றினுள் வீழ்ந்துள்ளதாக பொலிஸார் தெரிவித்துள்ளனர்.

அதனை எடுப்பதற்கு முயற்சித்த போது சிறுவன் கிணற்றினுள் வீழ்ந்துள்ளமை தெரியவந்துள்ளது.

பிரதேச மக்கள் இணைந்து கிணற்றிலிருந்து சிறுவனை மீட்டு வைத்தியசாலைக்கு கொண்டு செல்லும் போது சிறுவன் இடைநடுவில் உயிரிழந்துள்ளதாக பொலிஸார் குறிப்பிட்டனர்.

சம்பவம் தொடர்பில் மேலதிக விசாரணைகளை பொலிஸார் முன்னெடுத்துள்ளனர்.

பிரேத பரிசோதனைகளை அடுத்து சிறுவனின் சடலம் உறவினர்களிடம் ஒப்படைக்கப்பட்டுள்ளது.