නිදහස් දිනය වෙනුවෙන් රාජ්‍ය ආයතනවල විදුලි ආලෝක සැරසිලි අත්හිටුවන්න - රාජ්‍ය පරිපාලන අමාත්‍යාංශයෙන් දැනුම් දීමක්..

COLOMBO (News 1st) –77 වැනි ජාතික නිදහස් දිනය වෙනුවෙන් සංවිධානය කළ සර්ව රාත්‍රික පිරිත්‍රාණ ධර්ම දේශනාව ඊයේ(02)රාත්‍රියේ නිදහස් චත්‍රරශ්‍රයේදී පැවැත්විණ.

එම අවස්ථාවට අග්‍රාමාත්‍ය ආචාර්ය හරිනි අමරසූරිය, බුද්ධශාසන, ආගමික සහ සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතා ඇතුළු පිරිසක් සහභාගී විය.

මේ අතර, ජාතික නිදහස් දිනය වෙනුවෙන් සියලු රාජ්‍ය ආයතන වල සතියක කාලයක් ජාතික ධජය ඔසවා තබන්නැයි, රාජ්‍ය පරිපාලන අමාත්‍යාංශය දැනුම් දී තිබේ.

එම අමාත්‍යාංශය සඳහන් කළේ, විදුලි අලෝකවත් කිරීම අත්හිටුවන ලෙස යළි උපදෙස් දුන් බවයි.

ඒ, විදුලිය සඳහා වැයවන පිරිවැය අවම කිරීම සහ විදුලිය ඉතිරි කිරීමේ අරමුණින් ය.

මේ අතර, නිදහස් දින සමරුම් ප්‍රධාන උත්සවයේ හා පෙරහුරුවල ආරක්ෂාව සඳහා පොලිසියේ හා පොලිස් විශේෂ කාර්ය බලකායේ සමාජිකයින් 1650 ක් අනියුක්ත කර තිබේ.

පොලිසිය සඳහන් කළේ, රථවාහන ගමනා ගමනයට හා මගී ජනතාවට බාධා නොවන අයුරින් පෙරහුරුව සහ ප්‍රධාන උත්සවය පැවැත්වීමට විශේෂ රථවාහන සැළැස්මක් ද ක්‍රියාත්මක බවයි.

77 වැනි ජාතික නිදහස් දින සැමරුම හෙට ජනාධිපතිතුමාගේ ප්‍රධානත්වයෙන් කොළඹ නිදහස් චතුරශ්‍රයේදී පැවැත්වීමට නියමිතයි.

මෙවර නිදහස් සැමරු උළෙලේදී ජනාධිපති උත්තමාචාර වෙඩි මුර පිරිනැමෙන්නේ නැහැ.