19න් පහළ බාලිකා T20 ලෝක කුසලානයේ තවත් තරග 6ක් අද..

19න් පහළ බාලිකා T20 ලෝක කුසලාන ක්‍රිකට් තරගාවලියේ තවත් තරග 6ක් අද..

by Staff writer 20-01-2025 | 9:55 AM

COLOMBO (News 1st) –වයස අවුරුදු 19න් පහළ පන්දුවාර‍ 20යි 20 බාලිකා ලෝක කුසලාන ක්‍රිකට් තරගාවලියේ තවත් තරග 6ක් මලයාසියාවේදී අද පැවැත්වෙයි.

ඔස්ට්‍රේලියා සහ බංග්ලාදේශ කණ්ඩායම් අතර තරගය, අයර්ලන්ත සහ අමෙරිකා කණ්ඩායම් අතර තරගය, නවසීලන්තය සහ නයිජීරියාව අතර තරගය අද පෙරවරුවේ පැවැත්වෙයි.

අද පස්වරුවේ තරග ක්‍රියාත්මක වන්නේ නේපාල සහ ස්කොට්ලන්ත කණ්ඩායම් අතර, එංගලන්ත සහ පකිස්ථාන කණ්ඩායම් අතර හා සමෝවා සහ දකුණු අප්‍රිකා කණ්ඩායම් අතරයි.

එම තරග මෙරට වෙලාවෙන් අද පස්වරු 12.00ට ආරම්භ කිරීමට සැලසුම් කර තිබේ.

පෙබරවාරි 2 වැනිදා දක්වා පැවැත්වෙන මෙවර වයස අවුරුදු 19න් පහළ 20යි 20 බාලිකා ලෝක කුසලාන ක්‍රිකට් තරගාවලියේ නිල දේශීය විකාශන අයිතිය හිමිව ඇත්තේ, sirasa tv , TV1 හා shakthi TV නාලිකා හිමි සීමාසහිත MTV චැනල් පෞද්ගලික සමාගමටයි.

TV1 නාලිකාව ඔස්සේ සහ WWW.SIRASATV.LK වෙබ් අඩවිය ඔස්සේ තරගාවලියේ සියලු තරග ඔබට නැරඹිය හැකියි.