19න් පහළ 20යි20 බාලිකා ලෝක කුසලාන ක්‍රිකට් අද ඇරඹෙයි..

COLOMBO (News 1st) –වයස අවුරුදු 19න් පහළ 20යි 20 බාලිකා ලෝක කුසලාන ක්‍රිකට් තරගාවලිය අද මලයාසියාවේදී ආරම්භ වෙයි.

මෙවර තරගාවලියට එක්වන කණ්ඩායම් සංඛ්‍යාව, 16 කි.

මනුදි නානායක්කාරගේ නායකත්වයෙන් යුත් ශ්‍රී ලංකා කණ්ඩායම ඒ කාණ්ඩයෙන් තරග කරයි.  

එම කාණ්ඩයෙන් තරග කරන අනෙකුත් කණ්ඩායම් වන්නේ සත්කාරක මලයාසියාව, බටහිර ඉන්දීය කොදෙව් සහ වත්මන් ලෝක ශූර ඉන්දීය කණ්ඩායමයි.

තරගාවලිය ආරම්භ කරමින් අද දිනයේ තරග 6 ක් පැවැත්වීමට සැලසුම් කර තිබේ.

ශ්‍රී ලංකාව සහභාගී වන පළමු තරගය හෙට සත්කාරක මලයාසියාවට එරෙහිව පැවැත්වීමට නියමිතයි.

පෙබරවාරි 2 වැනිදා දක්වා පැවැත්වෙන මෙම තරගාවලියේ නිල දේශීය විකාශන අයිතිය හිමිව ඇත්තේ, සිරස TV,  TV1 හා ශක්ති TV නාලිකා හිමි සීමාසහිත MTV චැනල් පෞද්ගලික සමාගමටයි.