මැගසින් බන්ධනාගාරයට ගුද මාර්ගයේ සඟවා රැගෙන යාමට ගිය මත්ද්‍රව්‍ය තොගයක් අල්ලයි...

COLOMBO (News1st) - මැගසින් බන්ධනාගාරය තුළට ගුද මාර්ගයේ සඟවා රැගෙන යෑමට තැත්කළ මත්ද්‍රව්‍ය තොගයක් හමුවී තිබේ.

බන්ධනාගාර මාධ්‍ය ප්‍රකාශක ගාමිණි බී. දිසානායක මහතා සඳහන් කළේ, බන්ධනාගාරය තුළට සැකකරුවෙකු ඇතුලත් කිරීමට පෙර බන්ධනාගාර හදිසි ප්‍රතිචාර හා උපක්‍රමික බලකා නිලධාරීන් විසින් සිදුකරන ලද සෝදිසි කිරීමකදී එම මත්ද්‍රව්‍ය තොගය හමුවූ බවයි.

මත්ද්‍රව්‍ය රැගෙන ආ සැකකරු රක්ෂිත බන්ධනාගාරගත කරන ලෙස මාළිගාකන්ද මහේස්ත්‍රාත් අධිකරණය ඊයේ (12) දින නියෝග කර තිබිණි.

අදාළ මත්ද්‍රව්‍ය තොගය ඉදිරි නීතිමය කටයුතු සඳහා බොරැල්ල පොලිසියට භාරදී ඇති බව සදහන්.

සිද්දිය සම්බන්ධයෙන් විමර්ශන ක්‍රියාත්මකයි.