සාමයේ කුමරුන්ගේ පණිවුඩය රැගත් අසිරිමත් නත්තල උදාවෙයි

COLOMBO (News 1st) - සාමයේ කුමරුන්ගේ පණිවුඩය රැගත් අසිරිමත් නත්තල ඊයේ (24) මැදියම් රැයේ උදාවිය.

යේසුස් ක්‍රිස්තුස් වහන්සේගේ උපත සමරමින් ලොව පුරා කිතුනු ජනතාව සමග එක්ව ලාංකික කිතුනු ජනතාවද නත්තල සැමරුවේ මහත් භක්තියකිනි.

මෙරට ප්‍රධාන දේව මෙහෙය ජාඇල වික්ෂෝප මාතා දේවස්ථානයේදී පැවැත්වුණි.

මැදියම් රැයේ ආරම්භ වූ දේව මෙහෙය මෙහෙයවනු ලැබුවේ, කොළඹ අගරදගුරු මැල්කම් කාදිනල් රංජිත් හිමිපාණන් විසිනි.

මේ අතර නත්තල් දින ආරක්ෂාව සඳහා පොලිස් ස්ථාන මට්ටමින් ආරක්ෂක වැඩපිළිවෙළක් ක්‍රියාත්මක බව පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරී බුද්ධික මනතුංග මහතා සඳහන් කළේ ය.