කඩුගන්නාවේ සිදු වූ බස් රථ අනතුරින් පුද්ගලයින් 08 දෙනෙකුට තුවාල

COLOMBO (News1st) - අද(21) පස්වරුවේ කඩුගන්නාවේ සිදු වූ බස් රථ අනතුරකින් පුද්ගලයින් 08 දෙනෙකු තුවාල ලබා රෝහල්ගත කර තිබේ.

ඉන් 07 දෙනෙකු මේ වනවිට ප්‍රතිකාර ලබන්නේ, මහනුවර ජාතික රෝහලේයි.

තුවාල ලැබූ එක් කාන්තාවක් කඩුගන්නාව රෝහලට ඇතුළත් කර ඇත.

කොළඹ සිට තෙල්දෙණිය බලා ධාවනය වූ ලංගම බස් රථයක් එලෙස අනතුරට ලක්වුණේ, කඩුගන්නාව ඩෝසන් කුළුණ ආසන්නයේදීයි.

අනතුර සම්බන්ධයෙන් බස් රථයේ රියැදුරා අත්අඩංගුවට ගත් බව පොලීසිය ප්‍රකාශ කළේ ය.