නිවසකට පැන පහරදීමකට සුරාබදු නිලධාරීන් 5ක් දැලේ..

ගොතටුවේ නිවසකට පැන පහරදීමක් සම්බන්ධයෙන් සුරාබදු නිලධාරීන් පස් දෙනෙකු අත්අඩංගුවට..

by Staff writer 20-12-2024 | 7:19 AM

COLOMBO (News 1st)–

ගොතටුව ප්‍රදේශයේ මත්ද්‍රව්‍ය වැටලීමකට ගොස් නිවෙස් හිමියන්ට පහරදුන් බව කියන සිද්ධියක් සම්බන්ධයෙන් සුරාබදු නිලධාරින් 05 දෙනෙකු අත්අඩංගුවට ගෙන තිබේ.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි බුද්ධික මනතුංග මහතා සදහන් කලේ පසුගිය මස 11 වැනිදා රාත්‍රි 10 ට පමණ සුරාබදු නිලධාරින් බලහත්කාරයෙන් එම නිවසට ඇතුළු වී පරීක්ෂා කර ඇති බවට පැමිණිලි ලැබී ඇති බවයි.

තමන්ට සහ කුඩා ළමුන් දෙදෙනාට එම නිලධාරීන් පහර දුන් බවත් එම අවස්ථාවේ තම ඇඳුම් ඉරී ගිය බවත් නිවසේ සිටි කාන්තාව ගොතටුව පොලිසියට පැමිණිලි කර තිබේ.

සැකකරුවන් අලුත් කඩේ මහේස්ත්‍රාත් අධිකරණයට ඉදිරිපත් කිරිමෙන් පසුව ඇප මත මුදා හැර තිබේ.