ජෙරල්ඩ් කුට්සියාට ශ්‍රී ලංකාවට එරෙහි දෙවන ටෙස්ට් තරගය අහිමි වෙයි..

COLOMBO (News 1st) –දකුණු අප්‍රිකා වේග පන්දු යවන ක්‍රීඩක ජෙරල්ඩ් කුට්සියාට ශ්‍රී ලංකාව සමග පැවැත්වෙන දෙවැනි ටෙස්ට් ක්‍රිකට් තරගය අහිමි වී තිබේ.

ඒ, ශ්‍රී ලංකාව සමග පැවති පළමු ටෙස්ට් ක්‍රිකට් තරගයේදි ඇතිවූ ආබාධයක් හේතුවෙන් ය.

කුට්සියා වෙනුවට ශ්‍රී ලංකා කණ්ඩායම සමග පැවැත්වෙන දෙවැනි ටෙස්ට් ක්‍රිකට් තරගයේදි දකුණු අප්‍රිකා සංචිතයට යොවුන් ක්‍රීඩක ක්වේනා මෆාකා කැඳවා තිබේ.

ශ්‍රී ලංකාව සහ සත්කාරක දකුණු අප්‍රිකාව අතර දෙවැනි ටෙස්ට් ක්‍රිකට් තරගය ලබන 5 වැනිදා ශාන්ත ජෝර්ජ්ස් පාක් ක්‍රීඩාංගණයේදී ආරම්භ වීමට නියමිතයි.

මෙම ආබාධ තත්ත්වය හේතුවෙන් ජෙරල්ඩ් කුට්සියාට පකිස්ථානය සමග පැවැත්වෙන පන්දුවාර 20යි 20, එක්දින සහ ටෙස්ට් ක්‍රිකට් තරගාවලිය ද අහිමි වනු ඇති.