කිසිදු නවක මන්ත්‍රීවරයෙක් ගිනි අවි ඉල්ලා නෑ... - පාර්ලිමේන්තුව දන්වයි

COLOMBO ( News 1st ) - නවක පාර්ලිමේන්තු මන්ත්‍රීවරුන් කිසිවෙකු මේ දක්වා ගිනි අවි සඳහා ඉල්ලුම් කර නැතැයි, පාර්ලිමේන්තුව පවසයි.

පාර්ලිමේන්තු මහ ලේකම් කුෂානි රෝහණධීර මහත්මිය සඳහන් කළේ, කිසියම් මන්ත්‍රීවරයෙක් ගිනි අවි ඉල්ලා සිටින අවස්ථාවක ඊට අදාළව නිර්දේශ ලබා දීමට පියවර ගන්නා බවයි.

මන්ත්‍රීවරුන් 95 දෙනෙකු පමණ මේවන විට නිල නිවාස ඉල්ලා ඇතැයි, පාර්ලිමේන්තු මහලේකම්වරිය පැවසුවා ය.

ඇය සඳහන් කළේ, නිල නිවාස මන්ත්‍රීවරුන්ට භාරදීම මේ සතිය තුළ සිදුකරන බවයි.

මේවන විට නිවාස 45 ක් පමණ ප්‍රතිසංස්කරණය කර අවසන්.

සෙසු නිල නිවාස ද කඩිනමින් ප්‍රතිසංස්කරණයට පියවර ගන්නා බව ඇය පැවසුවා ය.