ශ්‍රී ලංකා - දකුණු අප්‍රිකා කණ්ඩායම් අතර පළමු ටෙස්ට් ක්‍රිකට් තරගයේ සිව්වන දිනටත්..

COLOMBO (News 1st) –සංචාරක ශ්‍රී ලංකා සහ දකුණු අප්‍රිකා කණ්ඩායම් අතර පළමු ටෙස්ට් ක්‍රිකට් තරගය සිව්වන දිනටත් අද(30) පැවැත්වෙයි.

ඩර්බන්හිදී පැවැත්වෙන තරගයේ ලකුණු 516ක ඉලක්කයක් හඹා යන ශ්‍රී ලංකාව ඊයේ දිනයට තරගය නතර කරන විට කඩුලු 5ක් දැවී රැස් කරගෙන සිටි ලකුණු සංඛ්‍යාව 103කි.

දකුණු අප්‍රිකාව පළමු ඉනිමට රැස් කළ ලකුණු 191ට පිළිතුරු ලෙස ශ්‍රී ලංකා කණ්ඩායමේ සියලු දෙනා  ලකුණු 42කට දැවී ගියේ ය.  

දකුණු අප්‍රිකාව කඩුලු 5ක් දැවී ලකුණු 366ක් රැස් කරගෙන සිටියදී දෙවැනි ඉනිම අත්හිටුවූයේ ශ්‍රී ලංකාවට ලකුණු 516ක ඉලක්කයක් ලබා දෙමින් ය.

එම ඉලක්කයෙන් පිටියට පිවිසි ශ්‍රී ලංකාවේ මුල් පෙළ කඩුලු 3 ලකුණු 82කදී බිඳ වැටිණ.