අම්පාර ට්‍රැක්ටරයක් පෙරළී සිදු වූ ඛේදවාචකයේ අතුරුදන් වූ තවත් තිදෙනෙකුගේ මළ සිරුරු සොයා ගැනේ..

COLOMBO (News 1st) –

ඒ , පොලිස් සහ නාවික හමුදා කිමිඳුම්කරුවන් එක්ව කළ මෙහෙයුම්වලදී ය.

ට්‍රැක්ටරයේ රියැදුරු, දරුවෙකු සහ තවත් පුද්ගලයෙකුගේ මළ සිරුරු අද සොයා ගත්තේ ය.

නින්දවුර් ප්‍රදේශයේ මද්‍රසා පාසලක අධ්‍යාපනය ලැබු සිසුන් පිරිසක් රැගත් ට්‍රැක්ටරය පෙරේදා පස්වරුවේ පෙරළුණේ අම්පාර මාවඩි පාලම ආසන්නයේදී ය.

ට්‍රැක්ටරට අනතුරට ලක්වන අවස්ථාවේ ළමුන් 11 දෙනෙකු ඇතුළුව එහි සිටි පිරිස 14කි.

සිසුන් 5 දෙනෙකුගේ දිවි බේරාගත් අතර අතුරුදන්ව සිටි සිසුන් 04 දෙනෙකුගේ සිරුරු ඊයේ සොයා ගැනුණි.

ට්‍රැක්ටරයේ ගමන් කළ සිසුවෙකු සහ පුද්ගලයෙකු තවමත් අතුරුදන් ය.