ට්‍රැක්ටර් අනතුරින් අතුරුදන් වූ තවත් සිසුන් දෙදෙනෙකුගේ සිරුරු සොයා ගනී..

COLOMBO (News 1st) - අම්පාර, මාවඩි පල්ලිය පාලම ආසන්නයේදී ට්‍රැක්ටරයක් ජල පහරකට හසුව පෙරළීමෙන්, අතුරුදන් වූ තවත්  පාසල් සිසුන් දෙදෙනෙකුගේ මළ සිරුරු සොයාගෙන තිබේ.‍

ඒ අනුව මියගිය ගණන 4 ක් දක්වා ඉහළ ගොස් තිබේ .

මිය ගිය සිසුන් දෙදෙනෙකුගේ සිරුරු අද උදෑසන සොයා ගැනුණේ, නාවික හමුදා කිමිඳුම්කරුවන්ගේ සහය ඇතිවයි.

මෙම ට්‍රැක්ටරය පෙරලීමෙන් දරුවන් 6 දෙනෙකු අතුරුදන් වූයේ ඊයේ දිනයේදීයි.

එලෙස අනතුරට මුහුණ දුන්නේ, මද්‍රසා පාසලක අධ්‍යාපනය ලබන සිසුන් පිරිසකි.