අම්පාරේ ට්‍රැක්ටරයක් පෙරළීමෙන් අතුරුදන් වූ ළමුන් 6 දෙනාගෙන් දෙදෙනෙකුගේ සිරුරු හමුවෙයි

COLOMBO (News 1st) - අම්පාර, කාර්තිව් මාවඩි පල්ලිය අසළ පාලම අසළින් ට්‍රැක්ටරයක් පෙරළීමෙන් අතුරුදන් වූ ළමුන් දෙදෙනෙකුගේ මළ සිරුරු අද (27) උදෑසන ‍සොයා ගැණුනි.

ඊයේ පස්වරුවේ අතුරුදන්ව සිටි ළමුන් 06 දෙනෙකු අතුරුදන් විය.

තවත් ළමුන් 04 දෙනෙකු සහ ට්‍රැක්ටරයේ රියැදුරු සහ එහි ගමන් ගත් තවත් පුද්ගලයින් දෙදෙනෙකු මේ වනවිට අතුරුදන්ව සිටිනවා.

පොලීසිය පැවසුවේ, නින්දවුර් මද්‍රසා පාසලක අධ්‍යාපනය ලබන සිසුන් පිරිසක් ඊයේ (26) පස්වරුවේ නිවෙස් වෙත යමින්  සිටියදී මෙම අනතුර සිදුව ඇති බවයි.

අනතුර සිදුවන අවස්ථාවේ ට්‍රැක්ටරයේ 14 දෙනෙකු ගමන් කරමින් සිට තිබේ.

ට්‍රැක්ටරය ජල පහරකට හසුව පෙරළුණු අවස්ථාවේහි සිටි ළමුන් 5 දෙනෙකු බේරා ගත් බව පොලීසිය පැවසීය.

නාවික හමුදාවේ, කිමිදුම්කරුවන් විසින් අතුරුදන් වූ ළමුන් සෙවීමේ කටයුතුවල නිරතව සිටි.