මුන්නක්කරෙයි කලපුවේ සැඟව ගිය දියණියගේ මළ සිරුර සොයා ගනී..

COLOMBO ( News 1st ) - මීගමුව, මුන්නක්කරෙයි කලපුව ආශ්‍රිතව බෝට්ටුවක් පෙරළීමෙන් අතුරුදන්වූ දියණියගේ මළ සිරුර සොයා ගෙන තිබේ.

සිද්ධියෙන් අතුරුදන්වූ පියා මෙතෙක් සොයා ගෙන නොමැති බව පොලීසිය පැවසුවේ ය.

මීගමුව , මුන්නක්කරෙයි කලපු ප්‍රදේශයේදී බෝට්ටුවක් පෙරළීමෙන් ඊයේ 50 හැවිරිදි පියෙකු හා 20 හැවිරිදි දියණියක් අතුරුදන් වුණි.

අනතුර සිදුව ඇත්තේ, ඔවුන් යාත්‍රා කළ බෝට්ටුව තවත් බෝට්ටුවක ගැටීමෙන් ය.

එම අවස්ථාවේ බෝට්ටුවේ මගීන් 7 දෙනෙකු යාත්‍රා කර තිබූ අතර අනතුරට ලක්වූ පුද්ගලයින් 5 දෙනෙකුගේ දිවි බේරා ගැනිණි.