ශ්‍රී ලංකා - දකුණු අප්‍රිකා ටෙස්ට් ක්‍රිකට් තරගාවලියේ ශ්‍රී ලංකා සංචිතය නම් කෙරේ

COLOMBO ( News 1st ) - දකුණු අප්‍රිකාව සමග පැවැත්වෙන ටෙස්ට් ක්‍රිකට් තරගාවලිය සඳහා ක්‍රීඩකයින් 17දෙනෙකුගෙන් සමන්විත ශ්‍රී ලංකා සංචිතය ප්‍රකාශයට පත්කර තිබේ.

තරගාවලියේදී කණ්ඩායමට නායකත්වය ලබා දෙන්නේ තුන්ඉරියව් ක්‍රීඩක ධනංජය ද සිල්වායි.

දිමුත් කරුණාරත්න, ඇන්ජලෝ මැතිව්ස්, දිනේෂ් චන්දිමාල් වැනි අත්දැකීම් බහුල ක්‍රීඩකයන්ගෙන් මෙම සංචිතය සමන්විතයි.

කුසල් මෙන්ඩිස්, පැතුම් නිස්සංක, කමිදු මෙන්ඩිස්, සධීර සමරවික්‍රම, ඕෂද ප්‍රනාන්දු සංචිතයේ සිය ස්ථානය තහවුරු කරගෙන සිටි.

ප්‍රභාත් ජයසූරිය, නිෂාන් පීරිස්, ලසිත් ඇඹුල්දෙණිය, මිලාන් රත්නායක, අසිත ප්‍රනාන්දු, විශ්ව ප්‍රනාන්දු, ළහිරු කුමාර සහ කසුන් රාජිත අද නම් කළ මෙම සංචිතයට ඇතුළත්ය.

තරග දෙකකින් සමන්විත ශ්‍රී ලංකා - දකුණු අප්‍රිකා ටෙස්ට් ක්‍රිකට් තරගාවලිය මේ මස 27වැනි දා ආරම්භ වීමට නියමිතයි.