රවී කරුණානායක නව ප්‍රජාතන්ත්‍රවාදී පෙරමුණු ජාතික ලැයිස්තුවට..

 COLOMBO (News 1st) –නව ප්‍රජාතන්ත්‍රවාදී පෙරමුණේ ජාතික ලැයිස්තු මන්ත්‍රීවරයෙකු ලෙස රවී කරුණානායක මහතා නම් කරන බව එම පක්ෂයේ ලේකම් ශාමිලා පෙරේරා මහත්මිය පවසයි.

නව ප්‍රජාතන්ත්‍රවාදී පෙරමුණේ ලේකම්වරිය මැතිවරණ කොමිසමට යොමු කළ ලිපියේ දැක්වෙන්නේ, පක්ෂයට හිමි වූ ජාතික ලැයිස්තු මන්ත්‍රී ධුර දෙකෙන් එකක් සදහා එම පත් කිරීම සිදු කරන බවයි.

ජාතික ලැයිස්තු මන්ත්‍රීවරයෙකු ලෙස රවී කරුණානායක මහතා නම් කළ බව නව ප්‍රජාතන්ත්‍රවාදී පෙරමුණ දැනුම් දී ඇතැයි ජාතික මැතිවරණ කොමිෂන් සභාව ද අප කළ විමසීමකදී තහවුරු කළේ ය.