නීති විරෝධී ලෙස මෙරටට ගෙන ඒම‍‍ට උත්සාහ කළ බීඩි කොළ තොගයක් සමග දෙදෙනෙකු අත්අඩංගුවට

COLOMBO (News 1st) –නීති විරෝධී ලෙස මෙරටට රැගෙන ඒම‍‍ට උත්සාහ කළ බීඩි කොළ තොගයක් සමග පුද්ගලයින් දෙදෙනෙකු කල්පිටිය , ඉප්පන්තිව් මුහුදු ප්‍රදේශයේදී අත්අඩංගුවට ගෙන තිබේ.

නාවික හමුදාව සඳහන් කළේ, ඔවුන් සතුව තිබී බීඩි කොළ කිලෝග්‍රෑම් 1,263 ක් සහ බීඩි කිලෝග්‍රෑම් 118 ක තොගයක් හමුවූ බවයි.

සැකකටයුතු ඩිංගි යාත්‍රාවක් නිරීක්ෂණ‍ය කිරීමෙදී මෙම බීඩි තොගය සොයා ගෙන තිබේ.

සැකකරුවන් සතු ඩිංගි යාත්‍රාවද එහිදී නාවික හමුදා භාරයට ගෙන ඇති බව සඳහන් ය.