පුද්ගලයෙක් බිය ගන්වා මුදල් කොල්ලකෑ කාන්තාවක් ඇතුළු 6 ක් සැකපිට අත්අඩංගුවට

COLOMBO ( News 1st ) - පුද්ගලයෙක් බියගන්වා මුදල් කොල්ලකෑම සම්බන්ධයෙන් සැකපිට කාන්තාවක් ඇතුළු 6 දෙනෙකු අත් අඩංගුවට ගෙන තිබේ.

අදාළ සැකකරුවන්, තියුණු ආයුධ පෙන්වා බියගන්වා රුපියල් ලක්ෂ 10 ක මුදලක් අන්තර් ජාලය ඔස්සේ ගිණුමකට බැර කරවාගෙන ඇති බව පොලීසිය පැවසුවේ ය.

පසුව අදාළ පුද්ගලයා සන්තකයේ තිබූ රුපියල් ලක්ෂ 15 ක මුදලක් ද කොල්ලකා ඇති බව පොලිසිය ප්‍රකාශ කළේ ය.

සිද්ධියට සම්බන්ධ යුවලක් සහ ත්‍රීරෝද රථයක් බම්බලපිටිය පොලීසිය මගින් අත් අඩංගුවට ගෙන ඔවුන්ගේ ප්‍රකාශ මත තවත් සැකකරුවන් 4 දෙනෙකු අත් අඩංගුවට ගෙන ඇත.

එලෙස අත් අඩංගුවට ගෙන ඇත්තේ, රත්මලාන හා ගල්කිස්ස යන ප්‍රදේශවල පදිංචිකරුවන් පිරිසකි.