නවසීලන්තයට එරෙහි ශ්‍රී ලංකා එක්දින හා 20/20 සංචිත නම් කෙරේ...

COLOMBO (News 1st) –නවසීලන්තය සමග පැවැත්වෙන එක්දින සහ පන්දුවාර 20යි 20 ක්‍රිකට් තරගාවලිය සඳහා චරිත් අසලංකගේ නායකත්වයෙන් යුත් ශ්‍රී ලංකා සංචිත ප්‍රකාශයට පත්කර තිබේ.

බටහිර ඉන්දීය කොදෙව් කණ්ඩායමට එරෙහිව පැවති එක්දින සහ පන්දුවාර 20/20 ක්‍රිකට් තරගාවලිය සඳහා නම් කළ ශ්‍රී ලංකා සංචිත කිසිදු වෙනස්කමකින් තොරව මෙම තරගාවලිය සඳහා ද නම් කර තිබේ.

පැතුම් නිස්සංක, කුසල් මෙන්ඩිස්, කුසල් ජනිත් පෙරේරා, කමිඳු මෙන්ඩිස්, වනිදු හසරංග, දුනිත් වෙල්ලාලගේ, මහීෂ් තීක්ෂණ, වැනි ප්‍රබල ක්‍රීඩකයින්ගෙන් මෙම සංචිත සමන්විතයි.

තරගාවලියට පන්දුවාර 20යි 20 ක්‍රිකට් තරග දෙකක් සහ එක්දින ක්‍රිකට් තරග 3ක් ඇතුළත් ය.

තරගාවලිය ආරම්භ කරමින් පළමු පන්දුවාර 20යි 20 ක්‍රිකට් තරගය මේ මස 9 වැනිදා රන්ගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වීමට සැලසුම් කර තිබේ.