ශ්‍රී ලංකාවේ ලෙනාර්ඩ් ජස්ටින්ට මෙවර ආසියානු පැසිෆික් ආධුනික ප්‍රෝ පිසික් කායවර්ධන තරගාවලියේදී රන් පදක්කම් 4ක්

COLOMBO (News 1st) –ශ්‍රී ලංකාවේ ලෙනාර්ඩ් ජස්ටින් මෙවර ආසියානු පැසිෆික් ආධුනික ප්‍රෝ පිසික් කායවර්ධන තරගාවලියේදී රන් පදක්කම් 4ක් දිනා ගත්තේ ය.

2024 ආසියානු පැසිෆික් ආධුනික ප්‍රෝ පිසික් කායවර්ධන තරගාවලිය රටවල් 7ක ක්‍රීඩක ක්‍රීඩිකාවන්ගේ සහභාගීත්වයෙන් ඔස්ට්‍රේලියාවේදී පැවැත්විය.

එහි කායවර්ධන පිරිමි විවෘත සහ අන්තර් මධ්‍යම අංශ දෙකෙහිම රන් පදක්කම් දිනා ගත්තේ ශ්‍රී ලංකාවේ ලෙනාර්ඩ් ජස්ටින් ය.

ඔහු පිරිමි පිසික් විවෘත සහ අන්තර්මධ්‍යම අංශ දෙකෙන්ද රන් පදක්කම් දිනා ගත් අතර ප්‍රෝ අංශයේ ශූරතාවයටද හිමිකම් කීවේ ය.

29 හැවිරිදි ලෙනාර්ඩ් ජස්ටින් මෙම තරගාවලියේ ආධුනික අංශයේ දැක්වූ දක්ෂතා මත ප්‍රෝ අංශයෙන් තරග කිරීමට අවස්ථාව ලබා ගැනීමද විශේෂත්වයකි.