මහ මැතිවරණයේ නාම යෝජනා භාර ගැනීම අද සිට... දිස්ත්‍රික් ලේකම් කාර්යාල අවට විශේෂ ආරක්ෂක වැඩපිළිවෙළක්..

COLOMBO(News 1st )- මහ මැතිවරණය සඳහා නාම යෝජනා භාර ගැනීම අදින් (04) ආරම්භ වෙයි.

ජාතික මැතිවරණ කොමිසමේ සභාපති ආර්.එම්.ඒ.එල් රත්නායක මහතා සඳහන් කළේ, ඒ සඳහා අවශ්‍ය සියලු කටයුතු සූදානම් කර ඇති බවයි.

ලබන 11 වැනිදා මධ්‍යහන 12 දක්වා නාම යෝජනා භාරදිය හැකි බව ඔහු ප්‍රකාශ කළේ ය.

මහ මැතිවරණය ආශ්‍රිතව මෙතෙක් කිසිදු සිද්ධියක් වාර්තා නොවන බවද මැතිවරණ කොමිසමේ සභාපතිවරයා ප්‍රකාශ කළේ ය.

නාම යෝජනා භාරදීමේ පරිශ්‍රය ආශ්‍රිතව විශේෂ ආරක්ෂක වැඩපිළිවෙළක් ක්‍රියාත්මක බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ නිහාල් තල්දූව මහතා පැවසුවේ ය.

2024 මහ  මැතිවරණය නොවැම්බර් 14 වැනිදා පැවැත්වීමට නියමිතයි.