යාගී සුළි කුණාටුවේ බලපෑමෙන් වියට්නාමයට දැඩි බලපෑම්..

COLOMBO ( News 1st ) - වියට්නාමයට බලපා ඇති යාගී සුළි කුණාටුවේ බලපෑමෙන් මියගිය පුද්ගලයින් ගණන 14ක් දක්වා ඉහළ ගොස් තිබේ.

ඉන් තවත් පුද්ගලයින් 78 දෙනෙකු පමණ තුවාල ලබා ති⁣බේ.

ප්‍රදේශ රැසකට නායයෑම් සහ ගංවතුර පිළිබඳ අනතුරු ඇඟවීම්ද නිකුත් කර ඇති බව විදෙස් මාධ්‍ය වාර්තා කළේ ය.

සුළි කුණාටුව හමා යන්නේ, පැයට කිලෝ මීටර 203 ක වේගයෙනි.

කුණාටුවේ බලපෑමෙන් ධීවර කටයුතුවල නිරතව සිටි ධීවරයින් පිරිසක් ද අතුරුදන්ව තිබේ.

විදෙස් වාර්තාවලට අනුව මෙම වසරේ ආසියාවේ ඇති වූ ප්‍රබලතම සුළි කුණාටුව එයයි.

ඉන් පීඩාවට පත්ව ඇති පවුල් සංඛ්‍යාව, 8 ලක්ෂ 30,000 කි.