සර්පයින් 100ක් කලිසමේ සඟවගත් පුද්ගලයෙක්..

සර්පයින් 100ක් කලිසමේ සඟවගෙන චීනයේ රේගු ඇස් වසා පනින්න හැදූ පුද්ගලයෙක්..

by Hashini De Mel 13-07-2024 | 8:43 PM

COLOMBO (News 1st) - සර්පයින් 100කට වැඩි සංඛ්‍යාවක් සිය කලිසමේ සඟවාගෙන චීනයේ ප්‍රධාන නගරයකට රැගෙන යාමට උත්සහ කළ පුද්ගලයෙක් එරට රේගු භාරයට ගත් බව විදෙස් මාධ්‍ය පවසයි.

විදෙස් මාධ්‍ය පැවසුවේ, දකුණු චීන නගරයක් වන ෂෙන්සෙන්හි රේගු නිලධාරීන් විසින් හොංකොං සහ චීනයේ ප්‍රධාන භූමිය අතර මුරපොළක් වන ෆුටියන් වරාය හරහා ගමන් කරමින් සිටියදී මෙම පුද්ගලයා අත්අඩංගුවට ගත් බවය.

එහිදී ඔහුගේ කලිසමේ සාක්කුවල තිබී ටේප්වලින් ඔතා තිබු කැන්වස් බෑග් 6ක් එම නිලධාරීන් සොයාගෙන තිබේ.

රේගු නිලධාරීන් බෑග් විවෘත කළ අතර එහිදී සෑම බෑගයකම විවිධ හැඩයන් සහ වර්ණවලින් යුත් සර්පයින් ගණනාවක් ඇති බව සොයාගෙන ඇත.

එහිදී සොයාගත් සර්පයින් ගණන 104ක් බව විදෙස් මාධ්‍ය පැවසීය.

විදෙස් මාධ්‍ය වාර්තා කළේ, සර්ප විශේෂ 5ක් එහිදී හඳුනාගෙන අතර කිසිම සර්ප විශේෂයක් විෂ සහිත නොවන බවයි.

එම පුද්ගලයා අත්අඩංගුවට ගත්තේ දැයි රේගු ආයතනය දැනට ප්‍රකාශ කර නොමැති අතර රෙගුලාසි කඩ කළහොත් රේගුව නීතියට අනුව ක්‍රියා කරනු ඇති බවට රේගු ඒජන්සිය අනතුරු අඟවා තිබෙන බව විදෙස් මාධ්‍ය වැඩිදුරටත් වාර්තා කරනු ඇත.