සිරස TV අද සිය 25 වැනි සංවත්සරය සමරයි

by Staff writer 10-06-2023 | 6:43 AM

COLOMBO (News 1st) - සිරස TV නාලිකාව අද (10) 25 වැනි වසරට පා තබයි.

එදා රූපවාහිනියේ අලුත් රූප මැවූ සිරස අදත් ජනතාවගේ අංක එකේ නාලිකාවයි.

අන්තර්ජාතික ප්‍රමිතිකරණයෙන් යුත් සිරස ලක්ෂපති වැඩසටහන මේ වනවිට ශ්‍රී ලාංකේය ජන සමාජයේ විවිධ තැන් ස්පර්ශ කරන අතිශය සංවේදී ආන්දෝලනාත්මක ටෙලිවිෂන් අත්දැකීමක් බවට පත්ව තිබේ.

මෑත යුගයේ ශ්‍රී ලාංකේය තරුණ හඬ ජාත්‍යන්තරයට රැගෙන ගියේ සිරස TVහි විකාශය වන - The Voice - තුළිනි.

ගම්දනව්වල සිටින දක්ෂයින් වෙනුවෙන් එදා සිරස TV තැනූ සිරස සුපර්ස්ටාර් වේදිකාවෙන් උපන් දක්ෂයින්, අද මෙරට ගායන තරු බවට පත්ව සිටි.

සිරස ඩාන්සින් ස්ටාර්, සිරස කුමරිය හා මෑන් හන්ට්, සිරස ප්‍රේක්ෂකයින්ට තිලිණ කළ තවත් නවමු වැඩසටහන් කිහිපයකි.

පුංචි පහේ මං, පෙන්ටතලන්, ද ඩිබෙටර්, වැනි වැඩසටහන් තුළින් ප්‍රේක්ෂක විචාර දැනුම වර්ධනය කිරීමට ද සිරස TV පුරෝගාමී මෙහෙවරක නිරත විය.

ප්‍රේක්ෂක ජනයාගේ සිත් සනහාලන සහෘදයා වන්නට සිරස TV සමත්ව සිටි.

සතුටේ දී වගේම ජනතාව දුකට පත් විටත් ළඟම නෑයා වුණේ සිරසයි.

ගංවතුර, මහා පෑවිලි, නායයෑම්, ගිනි ගැනීම් වැනි ස්වභාවික ආපදාවලදී අප ඔබ සොයා ආවේ සිරස සහන යාත්‍රාව සමගිනි.

ඒ ලෙංගතු කම සමග සිරස TV අද සමරන්නේ 25 වන සංවත්සරයයි.