පැරාලිම්පික් ගිය මහේෂ් 6 වැන්නා ලෙස තරගය නිම කරයි

by Staff writer 27-08-2021 | 12:10 PM

COLOMBO (NEWS1ST) : 2020 ටෝකියෝ පැරාලිම්පික් ක්‍රීඩා උළලේ, ඔරු පැදීම මූලික වටයේ තරගයකට සහභාගී වූ ශ්‍රී ලංකාවේ මහේෂ් ජයකොඩි හය වැන්නා ලෙස එම තරගය අවසන් කළේ ය.

ඔරු පැදීම පී.ආර් 1 PR1 පිරිමි කේවල තරග ඉසව්ව සඳහා මහේෂ් ජයකොඩි අද 27 දෑසන තරග වැදිණ. එම ඉසව්ව ඔහු අවසන් කළේ, මිනිත්තු 12 යි තත්පර 16. 80 ක කාලයක් සටහන් කරමිනි. එම දක්ෂතාව අනුව ඔහුට එම ඉසව්වේ අවසන් වටය සඳහා එකවර සුදුසුකම් ලබා ගැනීමට නොහැකි විය. කෙසේ වෙතත් මහේෂ් ජයකොඩි හෙට රෙපර්චාජ් (Repechage) තරග වටයට සහභාගී වීමට නියමිතයි. එම තරගයේ ප්‍රදර්ශනය කරන දක්ෂතාව අනුව ඔහුට අවසන් තරග සඳහා සුදුසුකම් ලබා ගැනීමේ අවස්ථාව උදා වේ. මිනිත්තු 9 යි තත්පර 56.47 ක කාලයක් සටහන් කළ යුක්‍රේනයේ රෝමන් පොලියන්ස්කි එම ඉසව්වේ අවසන් තරගයට සුදුසුකම් ලබා ගත්තේ ය.