එජාපයේ නව මහ ලේකම් ධුරය රංගේ බණ්ඩාරට

COLOMBO (News 1st) - එක්සත් ජාතික පක්ෂයේ නව මහ ලේකම්වරයා ලෙස පාලිත රංගේ බණ්ඩාර මහතා පත් කර තිබේ.

ඒ, අද පෙරවරුවේ රැස් වූ පක්ෂ කෘත්‍යාධිකාරී මණ්ඩල රැස්වීමේදීය. පක්ෂයේ උපනායක ධුරය අකිල විරාජ් කාරියවසම් මහතාට හිමි විය. රුවන් විජේවර්ධන මහතා එක්සත් ජාතික පක්ෂ නියෝජ්‍ය නායක ධුරයේ තවදුරටත් කටයුතු කරනු ඇති. පක්ෂයේ සභාපතිවරයා ලෙස වජිර අබේවර්ධන මහතා පත් කෙරුණි. පක්ෂයේ ජ්‍යෙෂ්ඨ උපසභාපතිවරුන් ලෙස ඩී.එන්.ස්වාමිනාදන් සහ අර්ජුන රණතුංග යන මහත්වරුන් පත් කර තිබේ. උපසභාපතිවරුන් ලෙස දයා ගමගේ, සාගල රත්නායක සහ සුනේත්‍රා රණසිංහ යන මහත්ම මහත්මීන් පත් කරගෙන ඇත. එක්සත් ජාතික පක්ෂයේ ජාතික සංවිධායක ධූරය හිමිවූයේ නවීන් දිසානායක මහතාටයි. එක්සත් ජාතික පක්ෂ කෘත්‍යධිකාරී මණ්ඩලය අද පෙරවරුවේ රැස්වුණේ පක්ෂ නායක රනිල් වික්‍රමසිංහ මහතාගේ ප්‍රධානත්වයෙනි.