නුවර පාරේ පට්ටිය හන්දියේදී කන්ටේනර් අනතුරක්

COLOMBO (News 1st): කොළඹ - නුවර ප්‍රධාන මාර්ගයේ පෑලියගොඩ, පට්ටිය හන්දිය ප්‍රදේශයේ අද උදෑසන කන්ටේනර් රථයක් අනතුරට ලක් විය.

කොළඹ සිට නුවර දෙසට ගමන්ගත් කන්ටේනර් රථයක් පාරේ නවතා තිබූ වෑන් රථයක හා යතුරු පැදියක ගැටී මෙම අනතුර සිදුවිය. අප වාර්තාකරු පැවසුවේ කර්ටේනර් රථය ඒ අසළ තිබූ වෙළඳසැළක ද ගැටී ඇති බවයි. ප්‍රදේශවාසීන් එක්ව පැයක පමණ කාලයක් දැඩි ප්‍රයත්නයක් දරා කන්ටේනර් රථයේ රියැදුරු වාහනයෙන් පිටතට ගෙන තිබේ. කන්ටේනර් රථයේ රියැදුරුට කිසිදු හානියක් වී නොමැති අතර පොලීසිය සඳහන් කළේ, රියැදුරු බීමත්ව සිට ඇති බවයි. මේ වනවිට ඔහු පෑලියගොඩ පොලිස් අත්අඩංගුවේ පසු වේ.