දඹදිව වන්දනා ගිය පිරිස් මෙරටට ගෙන්වා ගැනීමට ගුවන් යානයක් ඉන්දියාවට

COLOMBO (News 1st) - දඹදිව වන්දනා චාරිකා සඳහා සහභාගී වූ පිරිස දිවයිනට ගෙන්වා ගැනීම සඳහා විශේෂ ගුවන් යානයක් අද ඉන්දියාව බලා පිටත්ව යාමට නියමිතව තිබේ.

බුද්ධශාසන, ආගමික හා සංස්කෘතික කටයුතු අමාත්‍යාංශ ලේකම් බන්දුල හරිස්චන්ද්‍ර මහතා පැවසුවේ, වන්දනාව සඳහා සහභාගී වූ පිරිසෙන් 225 කට අධික පිරිසක් මේ වනවිට නවදිල්ලි නුවර ශ්‍රී ලංකා මහ කොමසාරිස් කාර්යාලයේ රැඳී සිටින බවයි. එම පිරිස අද රාත්‍රී 12.00 ට පෙර දිවයිනට ගෙන්වා ගැනීමට සැලසුම් කර ඇතැයි ලේකම්වරයා සඳහන් කළේ ය. එළෙස දඹදිව වන්දනාවේ පැමිණ ඇති පිරිස 850 කට අධිකය. සෙසු පුද්ගලයින් ද නවදිල්ලි නුවර ශ්‍රී ලංකා මහ කොමසාරිස් කාර්යාලයට ගෙන්වා ගැනීමට නියමිතය.