එංගලන්තයට එරෙහි ශ්‍රී ලංකා ටෙස්ට් සංචිතය නම් කෙරේ

COLOMBO (News 1st) - එංගලන්ත කණ්ඩායම සමග ඉදිරියේදී පැවැත්වීමට නියමිත ටෙස්ට් ක්‍රිකට් තරගාවලිය සඳහා සහභාගී වන ශ්‍රී ලංකා සංචිතය අද නිවේදනය කළේ ය.

නම් කළ සංචිතයට ක්‍රීඩකයින් 16 දෙනෙකු ඇතුළත් වේ. කණ්ඩායම මෙහෙය වන්නේ, දිමුත් කරුණාරත්න යි. සංචිතයට ඇතුළත්ව සිටින්නේ, ඕෂධ ප්‍රනාන්දු, කුසල් මෙන්ඩිස්, ඇන්ජලෝ මැතිව්ස්, දිනේෂ් චන්දිමාල්, කුසල් ජනිත් පෙරේරා, ධනංජය ද සිල්වා, නිරෝෂන් දික්වැල්ල, සුරංග ලක්මාල්, ලහිරු කුමාර, විශ්ව ප්‍රනාන්දු, කසුන් රාජිත, දිල්රුවන් පෙරේරා, ලසිත් ඇඹුල්දෙනිය, ලක්ෂාන් සඳකැන් යන ක්‍රීඩකයන් ය. වනිඳු හසරංග සංචිතය සඳහා ඇතුළත්ව සිටිය ද අබාධ තත්ත්වය හේතුවෙන් ඔහු තරගාවලිය සඳහා සහභාගී නොවන බව ශ්‍රී ලංකා ක්‍රිකට් ආයතනය නිකුත් කළ නිවේදනයේ දැක්විය. ශ්‍රී ලංකා සහ එංගලන්ත කණ්ඩායම් අතර ටෙස්ට් ක්‍රිකට් තරගාවලිට තරග 2 ක් ඇතුළත් අතර එහි පළමු තරගය ලබන 19 වැනිදා ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වීමට නියමිතය.