නව දිස්ත්‍රික් ලේකම්වරු 5ක් පත් කිරීමට පියවර

COLOMBO ( News 1st ) - දිස්ත්‍රික්ක 5ක් සඳහා නව දිස්ත්‍රික් ලේකම්වරුන් පත් කිරීමට රාජ්‍ය පරිපාලන හා ස්වදේශ කටයුතු අමාත්‍යාංශය තීරණය කර තිබේ.

එහි ලේකම් සිරිපාල හෙට්ටිආරච්චි මහතා සඳහන් කළේ, දැනට පුරප්පාඩුව පවතින මුලතිව්, කිලිනොච්චි, යාපනය, පොළොන්නරුව හා වව්නියාව දිස්ත්‍රික් සඳහා නව නිලධාරීන් පත් කළ බවයි. ඔවුන්ගේ නම් කැබිනට් මණ්ඩලය වෙත අද යොමු කිරීමට සැලසුම් කර තිබේ. කෙසේ වෙතත් හම්බන්තොට හා මොණරාගල දිස්ත්‍රික්වල දිස්ත්‍රික් ලේකම් ධුර තවදුරටත් පුරප්පාඩුව පවතී.