මැතිව්ස් සහ මෙන්ඩිස්ගෙන් අර්ධ ශතක

COLOMBO (News 1st): තරග 2 කින් සමන්විත ශ්‍රී ලංකා - සිම්බාබ්වේ ටෙස්ට් ක්‍රිකට් තරගාවලියේ පළමු තරගය සිව්වන දිනටත් අද පැවැත්වේ.

ඊයේ දිනය සඳහා තරගය නතර කරන විට සිය දෙවැනි ඉනිම ක්‍රීඩා කරමින් සිටි සංචාරක ශ්‍රී ලංකා කණ්ඩායම පන්දුවාර 106 ක් අවසානයේ කඩුලු 4ක් දැවී රැස් කරගෙන සිටි ලකුණු සංඛ්‍යාව 295කි. සිම්බාබ්වේ, හරාරේහිදී පැවැත්වෙන තරගය, ඊයේ දිනයට ආරම්භ කරන විට සිය පළමු ඉනිම ක්‍රීඩා කරමින් සිටි ශ්‍රී ලංකා කණ්ඩායම එක් කඩුල්ලක් දැවී ලකුණු 42 ක් රැස් කරගෙන සිටියේය. සිය 11 වන ටෙස්ට් අර්ධ ශතතය වාර්තා කළ කුසල් මෙන්ඩිස් ලකුණු 80කට දැවී ගිය අතර දිනේෂ් චන්දිමාල්ට රැස්කර ගැනීමට හැකි වූයේ ලකුණු 12 ක් පමණි. ඊයේ දිනය සඳහා තරගය නතර කරන විට නොදැවී කඩුල්ලේ රැඳී සිටි සිටින ඇන්ජලෝ මැතිව්ස් සිය 35 වන ටෙස්ට් අර්ධ ශතකය වාර්තා කරමින් ලකුණු 92 ක් රැස් කරගෙන සිටියේය. තරගයේ කාසියේ වාසිය හිමි කර ගනිමින් පළමුවෙන් පන්දුවට පහරදුන් සත්කාරක සිම්බාබ්වේ කණ්ඩායම සියලු දෙනා දැවී සිය පළමු ඉනිමට රැස් කළ ලකුණු සංඛ්‍යාව 358කි. ඒ, අනුව ශ්‍රී ලංකාව මේ වනවිට සිය පළමු ඉනිමේ දී පිටුපසින් පසුවන ලකුණු සංඛ්‍යාව 63කි.