ද. ආසියානු ක්‍රීඩා උළෙලේදී ශ්‍රී ලංකා ක්‍රීඩකයින්ගෙන් නව ද. ආසියානු වාර්තාවක්

COLOMBO (News 1st) : 100 x 4 පිරිමි කණ්ඩායම නව දකුණු ආසියානු වාර්තාවක් සමගින් රන් පදක්කම දිනා ගැනීමට සමත්විය. අද දකුණු ආසියානු ක්‍රීඩා උළෙළදී ඔවුන් තරගය නිම කළේ, තත්පර 39.14 ක කාලයක් වාර්තා කරමිනි. අද ශ්‍රී ලංකා ක්‍රීඩකයින් බිඳ දැමුවේ මීට පෙර තත්පර 39.40 ක කාලයක් සටහන් කරමින් ඉන්දීය ක්‍රීඩකයින් තබා තිබූ වාර්තාවයි. කෙටිදුර ධාවන ශුරයින් වන හිමාෂ ඒශාන් , විනෝජ් සුරංජය , චානුක සන්දීප හා යුපුන් ප්‍රියදර්ශන ශ්‍රී ලංකා කන්ඩායම නියෝජනය කළහ. ශ්‍රී ලංකා කාන්තා 100 x 4 කණ්ඩායම ද තත්පර 44 .89 ක කාලයක් වාර්තා කරමින් එම තරගයේ රන් පදක්කම දිනා ගත්තේ ය. ලක්ෂිකා සුගන්ධි, සදීපා ඇන්ඩර්සන්, අමාෂා ද සිල්වා, සාරංගි ලක්ෂිණි ශ්‍රී ලංකා කාන්තා කණ්ඩායම නියෝජනය කළහ. https://www.facebook.com/NewsfirstSL/videos/516404882279222/